Bakıda çoxmərtəbəli binada yanğın olub

Bakıda yerləşən çoxmərtəbəli yaşayış binalarının birində yanğın baş verib.

1news.az-ın Fövqəladə Hallar Nazirliyinə istinadən verdiyi xəbərə görə, paytaxtın Yasamal rayonunda çoxmərtəbəli yaşayış binasının 8-ci mərtəbəsində vətəndaşa məxsus ümumi sahəsi 45 m2 olan 3 otaqlı mənzildə yanğın olub.

Nəticədə mətbəxdə televizor, mətbəx mebeli 4 m2 sahədə yanıb və yüksək temperaturdan lambirdən ibarət tavan 15 m2 sahədə əriyib.

Mənzilin qalan hissəsi yanğından mühafizə olunub.

1news.az