İkimərtəbəli ev yanıb

Qusar rayonunda yanğın baş verib.

1news.az Fövqəladə Hallar Nazirliyinin (FHN) saytına istinadən xəbər verir ki, Qusar rayonu, Köhnə Xudat kəndində vətəndaşa məxsus ümumi sahəsi 200 m2 olan ikimərtəbəli 4 otaqlı evin 1 otağında bir ədəd yataq dəsti yanıb.

Evin qalan hissəsi yanğından mühafizə olunub. Yanğın saat 06:12-də yanğınsöndürənlər tərəfindən söndürülüb.

Yanğının hansı səbəbdən çıxdığı bilinmir.

1news.az