Kürdəmirdə nənə və nəvəni maşın vurub: nəvə ölüb

Kürdəmir şəhərində ölümlə nəticələnən yol qəzası baş verib.

1news.az lent.az-a istinadən xəbər verir ki, şəhərin Babək prospektində “VAZ 2109” markalı, 33 BC 861 dövlət qeydiyyat nişanlı avtomobil nənə ilə azyaşlı nəvəsini vurub.

Hadisə nəticəsində yaşlı qadınla körpə oğlan ağır xəsarətlər alıb. 3 yaşlı Sadıqov Əli Ramin oğlunun həyatını xilas etmək mümkün olmayıb.

Faktla bağlı Kürdəmir rayon Polis Şöbəsində cinayət işi açılıb, araşdırma aparılır.

1news.az