Arvadını və qayınanasını baltalayan Tərtər sakini tutulub

Tərtər rayonunda arvadına və qayınanasına balta ilə xəsarət yetirən şəxs saxlanılıb.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, avqustun 3-də Tərtər şəhərində yaşayan Tofiq Məmmədov evində ailə münaqişə zəminində arvadı Məhsəti Səmədovanın və qaynanası Səfurə Quliyevanın baş nahiyələrinə balta ilə xəsarət yetirib.

Tərtər Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində T.Məmmədov tutulub.

1news.az