Cahangir Hacıyevə hökm oxunub - YENİLƏNİB
Cümə günü, oktyabrın 14 Bakı Ağər cinayətlər məhkəməsində “Azərbaycan Beynəlxalq Bankı” ASC-nin sabiq sədri Cahangir Hacıyev, müxtəlif filialların direktorları İlqar Abdullayev, Anar Sultanov, Kənan Orucov, Mamed Cahangirov və Yusif Ələkbərov, İnter Security MMC-nin baş direktoru İbrahim Hüseynov, həmçinin qoz emalı üzrə zavodun direktoru Azad Cavadov barəsində qaldırılan cinayət işləri ilə bağlı məhkəmə sona çatıb.
1news.az-ın müxbirinin məhkəmə zalından verdiyi məlumatına əsasən, işə hakim Əfqan Hacıyevin sədrliyində hakimlər kollegiyası baxıb.
Bu gün məhkəmə iclasında hökm oxunub - əsas müttəhim Cahangir Hacıyev 15 il azadlıqdan məhrum olunub.
Y.Ələkbərov 8,5, A.Cavadov 10 il 11 ay, İ.Hüseynov isə 8 il müddətinə azadlıqdan məhrum olunub.
A.Sultanov, İ.Abdullayev, M.Cahangirov və K.Orucov şərti olaraq 3 il müddətinə azadlıqdan məhrum edilib.
Hökmə əsasən, C.Hacıyedən Beynəlxalq Bankı xeyrinə 63 milyon, “Aqrarkredir” ASQ-nin xeyrinə isə 7 milyon manat konfiskasiya edilməlidir.
15:29
Cümə günü, oktyabrın 14 Bakı Ağər cinayətlər məhkəməsində “Azərbaycan Beynəlxalq Bankı” ASC-nin sabiq sədri Cahangir Hacıyev, müxtəlif filialların direktorları İlqar Abdullayev, Anar Sultanov, Kənan Orucov, Mamed Cahangirov və Yusif Ələkbərov, İnter Security MMC-nin baş direktoru İbrahim Hüseynov, həmçinin qoz emalı üzrə zavodun direktoru Azad Cavadov barəsində qaldırılan cinayət işləri ilə bağlı məhkəmə sona çatıb.
1news.az-ın müxbirinin məhkəmə zalından verdiyi məlumatına əsasən, işə hakim Əfqan Hacıyevin sədrliyində hakimlər kollegiyası baxıb.
Bu gün məhkəmə iclasında hökm oxunub - əsas müttəhim Cahangir Hacıyev 15 il azadlıqdan məhrum olunub.
Qeyd edək ki, dövlət ittihamçısı C.Hacıyevə 17 il, A.Cavadova – 12 il və 11 ay, İ.Hüseynova və Y.Ələkbərova – 11 il, A.Sultanova, İ.Abdullayevə, M.Cahangirova və K.Orucova – 8 il azadlıqdan məhrum edilmə cəzasının verilməsini xahiş edib.
Prokuror həmçinin bu şəxsləri azadlıqdan çıxdıqdan sonra 3 il ərzində rəhbər vəzifələrdə işləmək hüququndan məhrum edilməsini tələb edib.
Xatırladaq ki, C.Hacıyev, Beynəlxalq Bankın Mərkəzi filialının direktoru vəzifəsində işləmiş Anar Sultanov, bankın Mərkəzi filialın müdiri işləmiş İlqar Abduallayev, “İnter Security” MMC-nin direktoru işləmiş İbrahim Hüseynov, Mərkəzi filialın direktoru işləmiş Yusif Ələkbərov, bankın Nəqliyyat filialının direktoru işləmiş Kənan Orucov, bankın Nərimanov filialının direktoru işləmiş, hazırda AFB Bankın sədri olan Məmməd Cahangirov və Bakı Fındıq Zavodunun direktoru işləmiş Azad Cavadov Cinayət Məcəlləsinin 179.3.1, 179.3.2 (mütəşəkkil dəstə tərəfindən külli miqdarda mənimsəmə), 308.2 (vəzifə səlahiyyətlərindən sui-istifadə ağır nəticələrə səbəb olduqda), 309.2 (vəzifə səlahiyyətlərini aşma ağır nəticələrə səbəb olduqda), 313-cü (vəzifə saxtakarlığı), 228.1 və 228.4-cü (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə ittiham olunur.
Bununla yanaşı, C.Hacıyev fiziki şəxslərə verilmiş 47 milyon 144 min manat krediti mənimsəyib.
Ümumilikdə isə, C.Hacıyev Azərbaycan Beynəlxalq Bankına 211 milyon 597 min manat civarında ziyan vurub.
Onun həyat yoldaşı – Zamirə Hacıyeva istintaqdan yayınsa da, onun barəsində qiyabi həbs qəti-imkan tədbiri çıxarılaraq axtarışa verilib.
C.Hacıyevin məhkəmə prosesi avqustun 15-də başlanılıb və oktyabrın 14-ü bitib.
1news.az
