Cüdoçumuz Mayamidə keçirilən dünya çempionatında bürünc medal qazanıb

Amerika Birləşmiş Ştatlarının Mayami şəhərində veteran cüdoçular arasında  keçirilən dünya çempionatında Azərbaycan millisi daha bir medal qazanıb.

1news.az-ın məlumatına görə, M-4 kateqoriyası üzrə 81 kq çəki dərəcəsində mübarizə aparan cüdoçumuz Mübariz Cəfərov mundialın bürünc medalına sahib olub.

Dünya çempionatında keçirdiyi 6 görüşdən yalnız birində uduzan təmsilçimiz bürünc medal uğrunda qarşılaşmada Rusiya idmançısına qalib gəlib.

Qeyd edək ki, buna qədər Azərbaycan millisi veteraların çempioanatında 2 qızıl medal qazanıb. Fərhad Rəcəbli və Zaur Paşayev bütün rəqiblərinə qalib gələrək dünya çempionu olublar.

1news.az