Rusiyalı diplomatın öldürülməsindən öncə Gülənin telekanalında səfirə sui-qəsd serialı nümayiş olunub – VİDEO

Rusiyalı səfirin Ankarada öldürülməsi anı hələ də bir çox ölkələrdə həyəcanla qarşılanır.

Diplomatın öldürülməsilə bağlı CNN Türk telekanalı maraqlı məqama diqqət yetirib:

Analoji hadisə illər öncə Fətullah Gülən terror təşkilatına aid Samanyolu TV-nin ekranlarında göstərilən serialda əks olunub.

Oxucuların diqqətinə həmin kadrları çatdırırıq:

Andrey Karlov suikastı Samanyolu TV'de böyle işlenmiş

“Nizama Adanmış Ruhlar” serialının 89-cu seriyasındakı kadrlar Ankaradakı Mədəniyyət Mərkəzində öldürülmüş Andrey Karlovun ölüm səhnəsilə eynilik təşkil edir.

Bu epizodu mühakimə etsək ehtimal etmək olar ki, diplmatı öldürən Mövlud Mərt Altındaş FETÖ ilə əlaqədar olub.

Həmin seriyada göstərilir ki, səfir həyat yoldaşı ilə birlikdə sərgiyə gəlir (sərgi FETÖ ilə bağlı Zaman qəzetinin redaksiyasında keçirilir). Səfir xanımı ilə birlikdə sərgidəki rəsm əsərlərinə tamaşa edir, tablolardan biri onun xoşuna gəlir. Bu an cinayətkar səfirin badəsinə zəhər tökür. Lakin sui-qəsd alınmır. Bu an ekskursiya rəhbəri-qadın çantasından tapanca çıxararaq killerə verir. Həmin şəxs silahla səfirə tərəf gedir. Lakin bu an mühafizəçilər onun qarşısını alır və o, səfiri öldürə bilmir.

Qeyd edək ki, FETÖ terror təşkilatı ilə əlaqədar bilinərək Fətullah Gülənə yaxın bir çox KİV-in fəaliyyəti Türkiyədə hərbi çevrilişə cəhddən sonra dayandırlıb. 

1news.az