“Nokia” şirkəti telefon bazarına qayıtdıqdan sonar ilk smartfonunu təqdim etdi - VİDEO
Finlandiyanın “Nokia” şirkəti mobil telefonlar bazarına geri qayıtdıqdan sonra ilk smartfonunu təqdim edib.
1news.az ICTnews-a istinadən xəbər verir ki, bu smartfon “Android 7.0” mobil əməliyyat sistemi ilə işləyir.
Yeni smartfon hələ ki yalnız Çində satılacaq.
Telefonun dizaynı ənənəvi olaraq yığcam, amma zərif hazırlanıb, ekran bükük 2.5D şüşə ilə örtülüb.
“Nokia 6” smartfonunun tanıtımı ilə məşğul olacaq Finlandiyanın “HMD Global” şirkəti sözügedən cihazın əsas texniki xüsusiyyətlərini açıqlayıb:
Ekran: 5.5 düym, “Full HD”
Prosessor: “Qualcomm Snapdragon 430”
Əməli yaddaş: 4 QB
Daimi yaddaş: 64 QB
“MicroSD” kart dəstəyi: var
Əsas kamera: 16 MP, f/2.0, faza avtofokusu
Ön kamera: 8 MP, f/2.0
Akkumulyator: 3000 milliamper/saat
“LTE” dəstəyi: var
Akustika: “Dolby Atmos” dəstəyi
Əməliyyat sistemi: “Android 7.0”
Korpus: alüminium.
“Nokia 6” smartfonu hələ ki yalnız “JD.com” resursu üzərindən Çində satılacaq. Qiyməti 245 dollardır.
1news.az
