Gürcüstanın xarici işlər naziri Azərbaycana səfər edəcək
Gürcüstanın xarici işlər naziri Mixeil Canalidze fevralın 12-də Azərbaycana səfərə gələcək.
1news.az “Report”a istinadən xəbər verir ki, iki gün davam edəcək səfər çərçivəsində gürcüstanlı nazirin azərbaycanlı həmkarı Elmar Məmmədyarov və digər rəsmi şəxslərlə görüşü nəzərdə tutulub.
Görüşlərdə ikitərəfli əlaqələrin inkişaf perspektivləri müzakirə olunacaq, dünyada və regionda baş verən proseslər barədə fikir mübadiləsi aparılacaq.
Nazirlərin görüşündən sonra birgə mətbuat konfransı keçiriləcək.
1news.az
417
