Bakıda süpürən-təmizləyən maşınlardan istifədə olunacaq

Nazirlər Kabineti Bakı Nəqliyyat Agetliyinin (BNA) küçələrin təmizənməsi zamanı təhlükəsizliyə riayət edilməsi barədə təkliflərini dəstəkləyib.

1news.az BNA-ya istinadən xəbər verir ki, Bakı Nəqliyyat Agentliyi küçələrin təmizənməsi zamanı təhlükəsizliyə riayət edilməsi barədə 15.11.2016-cı il tarixində Nazirlər Kabinetinə bir sıra təkliflə müraciət edib.

Müraciətdə  yol işləri və yolların təmizlənməsi, süpürülməsi həyata keçirilən zaman təhlükəsizlik və əməyin mühafizəsi qaydalarına riayət edilməsi, bu məsələlərin normativ hüquqi aktlarda öz əksini tapması, o cümlədən sürət həddinin yüksək olduğu yollarda yolun süpürülməsi işlərində mümkün qədər xüsusi süpürən-təmizləyən maşınlardan istifədə edilməsinə dair məsələlər öz əksini tapıb.

Qeyd edilən təkliflər aidiyyəti dövlət qurumları tərəfindən məqsədəmüvafiq hesab edilib. Artıq Nazirlər Kabineti bu məsələlərin normativ hüquqi aktlarda öz əksini tapması üçün Ədliyyə Nazirliyinə aidiyyəti dövlət qurumları ilə birgə razılaşdırılmış təkliflər hazırlanmasını tapşırıb.

1news.az