Putin və Ərdoğan arasında görüş başlayıb
Soçidə Rusiya və Türkiyə prezidentləri Vladimir Putin və Rəcəb Tayyib Ərdoğan arasında görüş başlayıb.
1news.az RİA Novosti-yə istinadla xəbər verir ki, Rusiya lideri Soçiyə gəldiyi üçün türkiyəli həmkarına minnətdarlığını bildirib.
" Bizim görüşüb ikitərəfli əməkdaşlığın əsas məsələlərinə dair müzakirə aparmaq imkanımızın olması çox yaxşıdır”, deyə Putin bildirib.
Onun sözlərinə görə, bu, o deməkdir ki, iki ölkə arasında münasibətlər tam şəkildə bərpa olunur və xüsusi status qazanır.
Prezident Ərdoğan öz növbəsində bildirib ki, Moskva və Ankaranın birgə səyləri Yaxın Şərqdə vəziyyətə təsir edə bilər:
"Bizim çiyinlərimizdə çox ciddi iş, çox böyük məsuliyyət var. Mən əminəm ki, birlikdə atdığımız addımlar bütün regionun taleyi dəyişəcək”.
Pərvanə Sultanova
