FİFA milli komandaların növbəti reytinq cədvəlini açıqlayıb

Milli komandaların növbəti reytinq cədvəli açıqlanıb.

1news.az-ın FIFA-nın rəsmi saytına istinadən yaydığı xəbərə görə, ötən ayla müqayisədə millimizin mövqeyində dəyişiklik baş verməyib. Komandamız 386 xalla 87-ci pillədə qərarlaşıb.

“DÇ-2018”in seçmə mərhələsindəki rəqiblərimizdən Almaniya 1464 xalla 3-cü (0),  Şimali İrlandiya 823 xalla 26-cı (0),  Çexiya 679 xalla 46-cı (0), Norveç 387 xalla 86-cı (0), San Marino isə 12 xalla 204-cü (0) yerdə qərarlaşıb.

Qeyd edək ki, siyahıya 1672 xalla Braziliya yığması başçılıq edir. Argentina 1603 xalla ikincidir.

1news.az