Azərbaycan çempionunu maşın vuraraq öldürüb

Dağadırmanma, qayayadırmanma və buzadırmanma üzrə ölkə çempionu faciəli şəkildə dünyasını dəyişib.

1news.az-ın Daxili İşlər Nazirliyinə istinadən verdiyi xəbərə görə, iyunun 28-də saat 21 radələrində Xətai rayonunun Zığ yolu küçəsində Masallı rayon sakini Əliağa Məmmədov idarə etdiyi “BMW” markalı avtomobillə yolu keçən Bakı şəhər sakini Reyhan Məmmədovanı vurub və nəticədə piyada hadisə yerində ölüb. 

Faktla bağlı Xətai RPİ tərəfindən araşdırma aparılır.

Qeyd edək ki, dünyasını dəyişən 1995-ci il təvəllüdlü Reyhan Məmmədova tanınmış idmançı İlqar Məmmədovun qızıdır.

 
Babək Cahandarov