Üç rusiyalı turist Azərbaycanda dincəlmək üçün bu məbləği ödəyib

Üç rusiyalı turist Azərbaycanda müalicə-sağlamlıq istirahəti üçün təxminən 2,6 milyon rubl(74 mmin 886 manat) ödəyiblər.

1news.az Lenta.ru-ya istinadla xəbər verir ki, bu barədə BSI Group turoperatorunun məlumatında deyilir.

Səfər turuna biznes-klasla uçmaq, beş ulduzlu otəldə iki nömrə, pəhriz qidaları daxildir.

Həmçinin, tur paketə təxminən 1,7 milyon rubla bərabər fərdi tibbi proqram da daxil edilib. Rusiyalılar avqust ayında Azərbaycana gələcək və bir həftə dincələcək.  

Qeyd edək ki, 2017-ci ilin may ayında Azərbaycanın Naftalan şəhəri rusiyalı turistlər arasında yaxın xaricin ən məşhur kurort zonası elan edilib.

Bu ərazi müalicəvi neft vannaları ilə tanınır.

Pərvanə Sultanova