Azərbaycan brendi “ASAN xidmət” İndoneziya mətbuatında – FOTO
Xəbər verdiyimiz kimi, 24-26 iyul 2017-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimovun başçılıq etdiyi nümayəndə heyəti İndoneziya Respublikasında səfərdə olub.
Prezident yanında Vətəndaşlara Xidmət və Sosial İnnovasiyalar üzrə Dövlət Agentliyindən (ASAN xidmət) 1news.az-a verilən məlumata görə, səfər zamanı Dövlət Agentliyi ilə İndoneziya Respublikasının İnzibati və Bürokratik İslahatlar Nazirliyi arasında mütərəqqi dövlət xidmətlərinin göstərilməsinə dair əməkdaşlıq haqqında Anlaşma Memorandumu imzalanıb.
Azərbaycanın nümayəndə heyətinin İndoneziyaya səfəri, keçirilən görüşlər, İndoneziyanın dövlət xidmətlərinin göstərilməsi sahəsində Azərbaycanın “ASAN xidmət” modelini seçməsi bu ölkənin aparıcı mətbu orqanlarında əsas mövzularından birinə çevrilib və geniş işıqlandırılıb.
Belə ki, İndoneziyanın nüfuzlu mətbu orqanlarında “ASAN xidmət” modeli və onun uğurları xüsusi yer alıb, “ASAN xidmət”in 2015-ci ildə BMT-nin “Dövlət xidmətlərinin göstərilməsinin təkmilləşdirilməsi” kateqoriyasında ən yüksək 1-ci yerə layiq görülməsi vurğulanıb.
Bundan başqa, dərc olunmuş məqalələrdə İndoneziya və Azərbaycan əməkdaşlığının əhəmiyyətindən bəhs olunub, imzalanmış Anlaşma Memorandumunun qarşılıqlı əməkdaşlığın inkişafı, xüsusilə də ictimai xidmətlərin təkmilləşdirilməsi sahəsində uğurlu addım olduğu bildirilib.
Ətraflı:
https://www.menpan.go.id/berita-terkini/7156-pacu-eodb-menpanrb-gandeng-azerbaijan
http://m.liputan6.com/bisnis/read/3033280/tingkatkan-pelayanan-publik-ri-berguru-ke-azerbaijan
https://m.merdeka.com/uang/indonesia-gandeng-azerbaijan-kembangkan-mall-pelayanan-publik.html
https://www.menpan.go.id/berita-foto/7158-chairman-asan-xidmat-azerbaijan-kunjungi-bkpm
http://m.jpnn.com/news/kejar-peringkat-40-besar-menpan-rb-gandeng-azerbaijan
http://metrobali.com/2017/07/25/chairman-azerbaijan-inam-karimov-kunjungi-graha-sewaka-dharma/
https://ipji.org/2017/07/24/pelayanan-publik-terintegrasi-indonesia-kerjasama-dengan-azerbaijan/
https://www.youtube.com/watch?v=sV6UGIgKQNc
Babək Cahandarov
