Çexiya yığması ilə qarşılaşacaq millinin heyəti açıqlanıb
Sabah dünya çempionatının seçmə mərhələsi çərçivəsində Çexiya yığmasını qonaq edəcək futbol üzrə milli komandanın heyəti məlum olub.
1news.az-ın məlumatına görə, heyətdəki ilk onbirliyi milli komandanın baş məşqçisi Robert Prosineçki oktyabrın 4-də keçirdiyi mətbuat konfransında açıqlayıb.
Baş məşqçi start heyətdə Kamran Ağayev, Pavel Paşayev, Bədavi Hüseynov, Rəşad Sadıqov, Məhəmməd Mirzəbəyov, Rahid Əmirquliyev, Riçard Almeyda, Əfran İsmayılov, Cavid Hüseynov, Dmitri Nazarov və Ruslan Qurbanovun meydana çıxacaqlarını deyib.
R.Prosineçki bildirib ki, Maksim Medvedev və Araz Abdullayev zədəli olduqlarından qarşıdakı oyunlarda yığmaya kömək edə bilməyəcəklər.
Qeyd edək ki, oktyabrın 5-də Bakı Olimpiya Stadionunda keçiriləcək oyun saat 20:00-da başlayacaq.
Babək Cahandarov
