Bəyanat: Səudiyyə Ərəbistanı Trampın İran siyasətini dəstəkləyir
Səudiyyə Ərəbistanı Krallığı ABŞ prezidenti Donald Trampın İran və onun aqressiv kursuna qarşı yürütdüyü qətiyyətli strategiyanı dəstəkləyir.
Bu barədə 1news.az-a Səudiyyə Ərəbistanın Azərbaycandaki səfirliyindən daxil olan bəynatda deyilir.
Səfirlik vurğulayıb ki, Səudiyyə Ərəbistanl ümumi çağırışlar, xüsusilə də, İranın regionda yeritdiyi siyasət və bəzi hərəkətlərinin qarşısının alınması üçün Amerika Birləşmiş Ştatlarının bölgədəki müttəfiqləri ilə birgə fəaliyyət göstərəcək.
“Səudiyyə Ərəbistanı Krallığı regionumuz və dünyada kütləvi qırğın silahlarının yayılmasının qarşısının alınması zərurətinə inanaraq, bundan öncə İran və 5 + 1 dövlətləri arasında nüvə sazişini dəstəkləyib. Bunun İranın nüvə silahı əldə etməsinin hər hansı formada qarşısının alınmasına gətirib çıxaracağını, sülh və təhlükəsizliyə nail olunacağına ümid edib. Lakin İran sanksiyaların qaldırılması nəticəsində yaranan iqtisadi gəlirdən istifadə edərək, ondan regionun sabitliyini pozmağı davam etdırmək üçün istifadə edib, xüsusilə öz ballistik raket proqramını inkişafı etdirib” -deyə səfirlik bildirib.
Vurğulanıb ki, İran beynəlxalq qərarları açıq və kobud şəkildə pozub: “İran Qırmızı dəniz və Ərəb körfəzindəki beynəlxalq dəniz koridorlarını İnqilab Keşikçiləri və Husi yaraqlıları vasitəsilə davamlı hədəfə alıb. Səudiyyə Ərəbistanı və region dövlətlərinə qarşı kiber hücumları davam etdirib.
Bundan çıxış edərək, Krallıq Donald Tramp tərəfindən elan edilən arzuedilən məqsədlərə çatmaq, İranın yürütdüyü siyasətin beynəlxalq təhlükəsizlik və sülhə yaratdığı təhlükənin aradan qaldırılması üçün ABŞ və beynəlxalq ictimaiyyətdə olan tərəfdaşları ilə işləməkdə davam edəcək. Belə ki, görüləcək iş yalnız onun nüvə proqramı ilə məhdudlaşmır, geniş mənada onun bütün təcavüzkarlıq fəaliyyətini əhatə edir. İranın kütləvi qırğın silahları əldə etməsi üçün bütün yolların kəsilməsi məqsədini güdür”.
Xatırladaq ki, oktyabrın 13-də Tramp ABŞ-ın İrana qarşı yeni strategiyasını elan edib və gələcəkdə razılaşmanın pozulmasını istisna etməyib.
P.Sultanova
