Avtomobil yarışında milyonlarla dollarlıq qəza – VİDEO

Çinin Makao şəhərində keçirilən avtomobil yarışı zamanı çoxlu sayda maşının toqquşması ilə nəticələnən qəza baş verib.

1news.az-ın Rusiya mətbuatına istinadən verdiyi xəbərə görə, avtomobillərdən biri trasın ən dar hissəsindən keçən zaman ilişib qalıb. Nəticədə arxadan gələn avtomobillər də həmin hissədə ilişərək böyük qəzanın yaranmasına səbəb olublar.

Baş verənləri yarışın şərhçilərindən biri bu cür reaksiya verib: “Bu ki, milyonlarla dollarlıq ziyandır. Mən hələ trasda bu cür qəza görməmişəm”.

Qeyd edək ki, yalnız 4 avtomobil qəzadan xəsarətsiz ötüşə bilib. Təşkilatçılar isə yarışı təxirə salmalı olublar.

1news.az