Üç milyon dollara avtomobil nömrəsi – FOTO
Bu yaxınlarda Birləşmiş Ərəb Əmirliklərində (BƏƏ) keçirilən hərracda biznesmenlər avtomobillərin qeydiyyat nömrəsinə külli miqdarda pul xərcləyiblər.
Məsələ ondadır ki, bu nömrələr cəmi bir rəqəmdən ibarətdir.
1news.az-ın AZƏRTAC-a istinadla verdiyi xəbərə görə, bu günlərdə iş adamı Əhməd əl- Marzuki avtomobili üçün 10 milyon dirhəmə (3 milyon dollar) 2 rəqəmi ilə işarələnmiş qeydiyyat nömrəsi alıb. 23 yaşlı sahibkar bildirib ki, bu nömrəni BƏƏ-nin milli bayramı – dekabrın 2-də qeyd olunan Müstəqillik Günü münasibətilə seçib.
Ümumilikdə isə hərracda bu cür 15 bahalı və unikal nömrə satılıb. Məsələn, “1111” nömrəsi 12 yaşlı gəncə 400 min dollara başa gəlib.
S.Xankişiyeva
681
