Sumqayıtda sensasiya: “Qarabağ” kubokla vidalaşdı - VİDEO

Bu gün Azərbaycan Kubokunda 1/4 final mərhələsinə yekun vurulub.

1news.az-ın xəbərinə görə, keçirilən iki oyunla bütün yarımfinalçılar bəllli olub.

Günün ilk oyununda “Səbail” “Qəbələ”ni qəbul edib. Öz meydanında keçirilən ilk oyunda 1:0 hesablı qələbə qazanan “Qəbələ” cavab matçında da 4:2 hesabı ilə qalib gələrək yarımfinala yüksəlib. Roman Qriqorçukun komandası yarımfinalda “Neftçi” ilə qarşılaşacaq.

Digər görüşdə - ilin son qarşılaşmasında isə “Qarabağ” “Sumqayıt”ın qonağı olub. Oyun “Sumqayıt”ın sensasiyalı qələbəsi ilə nəticələnib - 2:0. Beləliklə, son üç mövsümdə “qızıl dubl” edən “Qarabağ” gözlənilmədən kubokla vidalaşıb. “Sumqayıt” yarımfinalda “Keşlə” ilə qarşılaşacaq.

Azərbaycan kuboku

1/4 final

Cavab oyunları

15 dekabr (cümə)

“Sumqayıt” – “Qarabağ” - 2:0

Qollar: Kamal Mirzəyev, 22, Amil Yunanov, 90

“Səbail” – “Qəbələ” - 2:4

Qollar: Adrian Popoviçi, 16, Elman Taqayev, 78 - Filip Ozobiç, 22; Ruslan Qurbanov, 44, Famussa Kone, 56, Baqali Dabo, 75

1news.az