Mübariz Əhmədoğlu: Ermənistanda pasport və viza rəsmiləşdirilməsi mağazalarda olduğu kimi açıq satışdadır

Aştarak şəhərinin pasport bölməsinin əməkdaşı ABŞ, Gürcüstan, İran və Rusiyadan olan 55 nəfərə biometrik məlumatlı 55 pasport satıb.  Pasportların məbləği barədə heç bir məlumat verilmir.

1news.az xəbər verir ki,  Siyasi İnnovasiya və Texnologiyalar Mərkəzinin direktoru, politoloq Mübariz Əhmədoğlu deyib.

Onun sözlərinə görə, ötən ay Ermənistan XİN əməkdaşı qrinkard əməliyyatına görə saxlanıldı. O pul müqabilində müxtəlif ölkə vətəndaşlarına qrinkard almağa kömək edirmiş:

“Saxta viza verilməsi sahəsində Ermənistanın “uğurları” hətta Kubayadək gedib çatıbmış. Kuba vətəndaşı R.Qomez ABŞ-da daimi yaşayışını təşkil etmək məqsədilə sənədləşdirmə işini reallaşdırmaq üçün Ermənistan vətəndaşına 65 min dollar pul verib.

Gürcüstanda axtarışda olan vətəndaş L.Mekaranaşvili Ermənistanda öz fotosu ilə pasport alıb, Ukraynaya getdi. Ukraynada onu tanıdıqları üçün Ermənistana qaytardılar. L.Mekaranaşvili bu pasportu Yerevan şəhərində almışdı.

Erməni mənşəli kriminalların cibində Ermənistanın diplomatik pasportları gəzdirməsi indi heç kimə sirr deyil.

Bütün bunlar Ermənistanda pasport və vizaların mağazalarda olduğu kimi açıq satışda olduğunu sübut edir. Terrorçuların da pulu və yeni pasportlara ehtiyacı var. Son vaxtlar Ermənistanın adı ən azı, 3-4 parametr üzrə terrorçuluqla yanaşı hallanır. Ermənistanın zəif olsa da, bu vəziyyərdən çıxış yolu axtarmalıdır. Əks-təqdirdə Ermənistan özünü məhv yoluna yuvarlayır”.

1news.az