Rusiyada maskalılar məktəbə hücum edib: şagird və 2 müəllimənin vəziyyəti ağırdır

Rusiyanın Perm şəhərində iki maskalı kişi məktəbə hücum edib.

1news.az-ın RİA Novosti-yə istinadla verdiyi xəbərə görə, hücum nəticəsində on bir məktəbli və iki müəllimə bıçaq yarası alıb. 16 yaşlı məktəbli və iki müəllimə əməliyyat olunub, onların vəziyyəti ağırdır.

Hadisə yerinə Perm əyalətinin qubernatoru və Ərazi Təhlükəsizliyi Nazirliyinin əməkdaşları da gediblər. Şübhəlilər artıq saxlanılıblar.

Qeyd edilir ki, münaqişə şəxsi zəmində baş verib. Eləcə də dava dərs zamanı baş verib.  Hadisə ilə bağlı 700 şagird təxliyyə edilib.

S.Xankişiyeva