Ermənistan parlamenti qiymət artımını müzakirə edəcək

Ermənistan parlamenti yanvarın 23-də bəzi növ məhsulların qiymətlərinin artması ilə bağlı ictimai və siyasi dairələrin narazılığını nəzərə alaraq dinləmələr keçirəcək.

1news.az “news.am”a istinadla xəbər verir ki,  erməni deputatlar qiymət artımının səbəblərini və inflyasiyanın təsirlərinin azaldılması imkanlarını müzakirə edəcəklər.

Dinləmələrdə maraqlı dövlət orqanlarının nümayəndələri də iştirak edəcək. 

Daha əvvəl Ermənistan prezidenti Serj Sarkisyanla parlament sədrinin görüşü keçirlib və Sarkisyan məsələnin parlamentin iclasında müzakirəsini təklif edib.

P.Sultanova