Qapıçı doğum günündə 65 metrdən qol vurdu – VİDEO

İspaniyanın II divizionunda mübarizə aparan “Luqo” klubunun qapıçısı Xuan Karlos ad günündə möhtəşəm qol vurub.

1news.az-ın məlumatına görə, çempionatın 23-cü turunda “Sporting Gijon”la görüşün 80-ci dəqiqəsində X.Karlos 65 metrdən topu rəqibin qapısından keçirib.

Bu həmin gün 30 yaşını qeyd edən qapıçının həm də karyerasında ilk qolu olub.

Qarşılaşma “Luqo”nun 3:1 hesablı qələbəsi ilə başa çatıb.

Qeyd edək ki, X.Karlos karyerası ərzində “Rayo Vallekano”, “Herkules”, “Kordoba” və “Elçe”nin şərəfini qoruyub.

1news.az