TÜRKPA Baş katibi Qazaxıstan sәfiri ilә görüşüb
TÜRKPA-nın Baş katibi Altınbek Mamayusupov Qazaxıstan Bakıdakı səfirliyini ziyarət edib, fövqəladə və səlahiyyətli səfir Beybit İsabayevlə görüşüb.
1news.az-a TÜRKPA-dan verilən məlumata görə, görüş zamanı Mamayusupov təşkilatın qarşıdan gələn fəaliyyətləri barədə səfirə məlumat verib və tərəflər 2018-ci ildə TÜRKPA-nın 10-cu ildönümünün qeyd edilməsi ilə bağlı həyata keçiriləcək işlər üzrə fikir mübadiləsi aparıb.
Baş katib TÜRKPA-nın açıq dialoq, qlobal dostluq və sülhə əsaslanaraq Türk dövlətləri arasında parlamentlərarası əməkdaşlığın mühüm platforması kimi inkişaf etdiyini vurğulayıb.
Səfir İsabayev Türkdilli ölkələr arasında əməkdaşlığın inkişafında TÜRKPA-nın səylərini yüksək qiymətləndirmiş və Qazaxıstanın Assambleyanın bütün təşəbbüs və öhdəliklərinə tam dəstək verəcəyini bildirib.
Həmçinin, tərəflər Qazaxıstan Parlamenti Məclisinin sədri Nurlan Niqmatulinin Bakıya və TÜRKPA binasına səfəri məsələsini müzakirə ediblər.
P.Sultanova
