İçərisində ABŞ Konqresinin üzvləri olan qatar qəzaya düşüb: Ölən var

ABŞ-da Konqres üzvləri olan qatar qəzaya düşüb.

1news.az xəbər verir ki, bu barədə Ağ Evin mətbuat katibi Sara Sanders bildirib.

Onun sözlərinə görə, qatarın yük maşını ilə toqquşması nəticəsində azı bir nəfər ölüb. 

“Daha 1 nəfər ağır yaralanıb. Konqres üzvləri arasında zərərçəkən olmayıb”, deyə S.Sanders qeyd edib.

Onun sözlərinə görə, prezident Donald Tramp insidentlə bağlı məlumatlandırılıb.

Qeyd edək ki, bu gün Virciniya ştatında Nümayəndələr Palatasının spikeri Pol Rayan daxil olmaqla, içərisində Respublikaçı konqresmenlərin olduğu qatar zibil daşıyan yük maşını ilə toqquşub.

1news.az