Dünyanın ən qəribə 10 cütlüyü – FOTO
Sevgi nə sərhəd, nə də yaş məhdudiyyəti tanımır.
Aşağıdakı məqalədə dünyanın qeyri-adi 10 cütlüyünü təqdim edirik.
31 yaşlı Kayl Cons və 91 yaşlı Marconi Makkul
Cütlük 2009-c ildən görüşür. Onları görən nənə və nəvə olduğunu zənn edir. Kaylın dediyinə görə, həmyaşıdları ilə münasibət qurmaq onu maraqlandırmır. Bəziləri isə onu hiyləgərlikdə ittiham edir. Bir çoxları isə onların saf sevgisinə inanır.
Vern Troyer və Cenis Qallen
Hər kəsin “Harri Poter” filmindən tanıdığı aktyor Vern Troyer Playboy modeli Cenis Qallen ilə 2004-cü ildə evlənir. Onların münasibətlərindəki qəribəlik boylarındadır. Belə ki, aktyor 82 santimetr, model isə 188 sm. boya malikdir.
Hindistandan olan Manqli Munda küçə iti ilə ailə qurub
Hindistandan olan 18 yaşlı Manqli Munda Şer adlı sahibsiz itlə ailə qurub. Kənd cammatı onların nikah bağlamasını istəyib. Kənd ağsaqqalları hesab edib ki, belə olanda halda qız kəndin üzləşəcəyi qara qüvvələrdən uzaq olacaq.
28 yaşlı çinli gəlinciklə ailə qurub
Həkimlər gəncdə xərçəng xəstəliyi aşkarladıqarı üçün o, nikaha razı olur. Belə ki, o ölümündən sonra hansısa qızın əzab çəkməsini istəmir. Buna görə də seks-gəlinciklə ailə qurmağa razılıq verir. Hətta o, “həyat yoldaşı” üçün gəlinlik də alır.
Dünyanın ən tüklü kişisi və xanımı
Çindən olan 32 yaşlı Yuy Cünxuanın bədəninin 96%-i qalın tüklə örtüülüb. Lakin bu, ona həyatının sevgisini tapmaqda mane olmayıb.
Qreys Qedler 6 illik tənhalıqdan sonra özü ilə evlənib
Britaniya qraflığından olan Qreys Qedler öz ilə ailə qurub. O, 50 nəfərlik toy məclisi də təşkil edib. 6 il heç bir kişi ilə münasibəti olmayan Qreys sonda ona heç kəsin lazım olmadığı qərarına gəlib.
Barbarella Bühner pişiyilə evlənib
İngiltərədən olan Barbarella Bühner iki pişiyilə evlilik mərasimi təşkil edib. 48 yaşlı gəlin bal ayını Kanar adalarında keçirib.
Cinslərini dəyişmiş dünyanın ilk cütlüyü
İlk baxışdan Arin Endors və Keti Hill adi cütlüklərdən heç nə ilə fərqlənmir. Belə ki, onlar dünyada cinsi mənsubiyyətini dəyişmiş ilk cütlükdür.
Dünyanın ən kök qadını və sevgilisi
ABŞ-dan olan 38 yaşlı Çariti Pirs 358 kiloqram çəkiyə sahibdir. Onun sevgilisi 22 yaşlı gənc isə normal çəkilidir. Lakin nə artıq kiloları, nə də yaş fərqi onların sevgisinə mane olmayıb. Cütlük yaxın zamanlarda evlənmək də istəyir.
ABŞ-da ən gənc cütlük
9 yaşlı Cayka Kuper leykemiyadan əziyyət çəkir. O, 7 yaşlı Xose ilə tibb mərkəzində tanış olub. Cayka toy arzusunda idi, buna görə də Xose ona evlilik təklifi edir. Lakin qızcığaz 2009-cu ildə vəfat edir.
S.Xankişiyeva
