Ziyafət Əsgərov Rusiya prezidenti seçkilərində MDB müşahidəçilər missiyasının rəhbəri ilə görüşüb

Fevralın 20-də MDB İcraiyyə Komitəsinin Moskva bölməsində Azərbaycan Milli Məclisi sədrinin birinci müavini, MDB Parlamentlərarası Assambleyanın müşahidəçilər qrupunun əlaqələndiricisi Ziyafət Əsgərov Rusiya Prezidenti seçkilərində MDB müşahidəçiləri missiyasının rəhbəri, MDB İcraiyyə Komitəsi sədrinin birinci müavini Viktor Quminski ilə görüşüb.

1news.az MDB İcraiyyə Komitəsinin mətbuat xidmətinə istinadla xəbər verir ki, görüşdə seçki kampaniyası və missiyanın işinin təşkili ilə bağlı məsələlər geniş müzakirə edilib.

Həmsöhbətlər əminliklərini bildiriblər ki, missiya seçki kampaniyasının hazırlıq prosesinə və keçirilməsinə obyektiv qiymət verəcək, öz funksiyalarını Rusiya qanunvericiliyinə ciddi riayət edərək və dövlətin suverenliyinə hörmətlə yanaşaraq həyata keçirəcək.

1news.az