Rusiyada oyuncaq mağazası yanıb – FOTO
Tümen şəhərində yerləşən “Rich Family” oyuncaq mağazasında yanğın baş verib.
1news.az-ın RİA Novosti-yə istinadla verdiyi xəbərə görə, bu barədə Rusiya Fövqəladə Hallar Nazirliyinin yaydığı məlumatda deyilir.
İlkin məlumatlara görə, yanğının əhatə etdiyi sahə, təxminən 3 min kvadratmetr olub.
Ən son məlumatlara görə, yanğın şəhərin Kremlyovskaya küçəsində saat 00.15-də (Moskva vaxtı 22.15-də) baş verib. RF Fövqəladə Hallar Nazirliyinin 67 əməkdaşı və 26 ədəd xüsusi texnikası yanğının söndürülməsinə cəlb olunub.
Yanğını aradan qaldırmaq üçün qaz və tüstüdən müdafiə xidmətindən beş dəstə ayrılıb. Yerli vaxtla saat 01:25-də (23:25 Moskva vaxtında) yanğın tam lokallaşdırılıb.
Gecəvaxtı olduğu üçün yanğın zamanı xoşbəxtlikdən nə uşaq, nə də əməkdaş zərər çəkməyib. Buna görə də heç bir təxliyə tədbiri həyata keçirilməyib. Hazırda hadisənin səbəbləri və dəyən zərərin həcmi müəyyənləşdirilir.
S.Xankişiyeva
