Hollandiyadan bir ilk – “İntihar maşını” sərgidə nümayiş ediləcək

Hollandiyanın paytaxtı Amsterdamda gələn həftə başlayacaq cənazə işləri sərgisində ilk dəfə nümayiş olunacaq “intihar maşını” sayəsində ziyarətçilər ölümü mərhələli şəkildə müşahidə edə biləcək.

1news.az Ölkə.az-a istinadən xəbər verir ki, ilk dəfə eftanaziya tərəfdarı olan və “ölüm həkimi” adlandırılan avstraliyalı Filip Niçkenin haqqında danışdığı “intihar maşını” Hollandiyada reallığa çevrilib.

“Sarco” adı verilən maşın, içərində şezlonqa bənzər oturacağın olduğu və maye azotla işləyən hava keçirməyən kapsuldan ibarətdir. İçinə girən istifadəçinin qaz axınını başlatması üçün 1 düyməyə basması kifayət edir. Buraxılan qaz içəridəki insanı bir neçə dəqiqə sonra yatızdırır.

Ölüm kapsulu ilk dəfə Amsterdamda ziyarətçilərin ixtiyarına veriləcək. Kapsula girib, oturacağa uzanan insan ölmədən öncə “virtual reallıq” aparatı ilə ölməmişdən qabaq ən son görmək istədiyi yerə gedə biləcək.

Filip Niçke Hollandiyada çap olunan “Telegraaf”  qəzetinə verdiyi açıqlamada bildirib ki, niyyətləri bunu qorxuducu bir təcrübə halına gətirmək deyil, eleqant bir tərzə çevirməkdir

Lakin Hollandiyadakı vəqflər, təşkilatlar kapsulun sərgidə təqdim edilməsinə qarşı çıxır.

1news.az