Milli Məclisin plenar iclası başlayıb
Azərbaycan Milli Məclisinin bu gün növbəti plenar iclası başlayıb.
1news.az-ın məlumatına görə, Oqtay Əsədovun sədrliyi ilə keçirilən iclasda Azərbaycan Respublikasının İnsan hüquqları üzrə müvəkkilinin (ombudsmanın) illik məruzəsi dinləniləcək.
Ümumilikdə iclasın gündəliyinə 20 məsələ daxildir. Belə ki, iclasda "Azərbaycan Respublikasının orden və medallarının təsis edilməsi haqqında", "Dövlət qulluğu haqqında", "Əmək pensiyaları haqqında", "Dövlət sosial sığorta sistemində fərdi uçot haqqında", "İcra haqqında", "Könüllü fəaliyyət haqqında", "Sosial müavinətlər haqqında", "Sosial sığorta haqqında", "Ünvanlı dövlət sosial yardımı haqqında", "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında", Azərbaycan Respublikasında vətəndaşların pul gəlirlərinin və əmanətlərinin indeksləşdirilməsi haqqında", "Müflisləşmə və iflas haqqında" və s. qanunlarına, o cümlədən Cinayət, İnzibati Xətalar, Vergi məcəllərinə dəyişiklik layihələrinə baxılacaq.
Deputatlar yeni hazırlanan "Məşğulluq haqqında" və “Peşə təhsili haqqında” (üçüncü oxunuş) qanun layihələrini də müzakirə edəcəklər.
1news.az