Kabildə partlayış: beş jurnalist həlak oldu
Əfqanıstanın paytaxtı Kabildə törədilmiş partlayış nəticəsində həlak olanların sayı 25-ə çatıb.
1news.az RİA Novosti-yə istinadla xəbər verir ki, 49 nəfər yaralı var. Əfqanıstanın rəsmi dairələrinin məlumatına görə, partlayışda “France Press” agentliyinin fotoqrafı Şah Marai daxil olmaqla beş jurnalist ölüb.
Həlak olanlar və yaralananlar arasında "TOLOnews", "1TV" və "Əl-Cəzirə" telekanallarının və digər KİV-lərin nümayəndələri var.
10:26
“France Press” agentliyinin fotoqrafı Şah Marai Əfqanıstanın paytaxtı Kabildə törədilmiş partlayış nəticəsində həlak olub.
1news.az RİA Novosti-yə istinadla xəbər verir ki, bu gün səhər saatlarında Kabildə iki partlayış baş verib.
Hadisə nəticəsində 7 nəfər ölüb, 20-dək yaralı var. Həlak olanlar və yaralananlar arasında "TOLOnews", "1TV" və "Əl-Cəzirə" telekanallarının və digər KİV-lərin nümayəndələri də var.
P.Sultanova
