İsrail HƏMAS-ın mövqelərini bombalayıb

İsrailin Hərbi Hava Qüvvələri yəhudi dövləti ərazisində yanğınlar törətmək məqsədi ilə atılan “yanan hava ilanları”na cavab olaraq Qəzza zolağının şimal hissəsində Fələstinin HƏMAS hərəkatının mövqelərinə hücum edib.

1news.az-ın RİA Novosti-yə istinadla verdiyi xəbərə görə, bu barədə İsrailin Müdafiə ordusunun mətbuat xidməti məlumat yayıb.

Məlumatda bildirilir ki, İsrail ordusu mənbəyi Qəzza zolağı olan terror fəallığının yatırılması üzrə fəaliyyətini davam etdirəcək.

S.Xankişiyeva