BMT baş katibi Qarabağ barədə danışdı

BMT-nin baş katibi Antoniu Quterreş Dağlıq Qarabağ münaqişəsinin tezliklə həllini tapacağına ümidvar olduğunu bildirib.

1news.az-ın RİA Novosti-yə istinadla verdiyi xəbərə görə, Quterreş bunu Ermənistan baş naziri Nikol Paşinyana göndərdiyi məktubda bildirib.

Quterreş qeyd edib ki, BMT ATƏT-in Minsk qrupunun Dağlıq Qarabağ münaqişəsinin dinc yolla həlli üçün göstərdiyi səyləri qətiyyətli şəkildə dəstəkləyir.

“Ümid edirəm ki, münaqişənin sülh yolu ilə həlli prosesi üçün həssas olan bu dönəmdə, çözüm səyləri daha da artacaq və uzunmüddətli sülhün bərqərar olmasına, Cənubi Qafqazın bütün ölkələrinin çiçəklənməsinə gətirib çıxaracaq.”, - deyə Quterreşin müraciətində deyilir.

S.Xankişiyeva