Yay Azərbaycana nə vaxt gələcək?

Bu il yay fəsli Azərbaycana iyunun 21-i Bakı vaxtı ilə saat 14:07-də gələcək.

1news.az-ın Azərbaycan Milli Elmlər Akademiyasının (AMEA) Şamaxı Astrofizika Rəsədxanasına istinadən verdiyi xəbərə görə, həmin vaxt yay Günəş qarşıdurması anı adlanır.

Yaz fəsli Azərbaycana martın 20-si Bakı vaxtı ilə saat 20:15-də qədəm qoyub. Həmin vaxt yaz gecə-gündüz bərabərliyi adlanır. Payız sentyabrın 23-də Bakı vaxtı ilə saat 05:54-də (payız gecə-gündüz bərabərliyi), qış isə dekabrın 22-si saat 02:22-də (qış Günəş qarşıdurması anı) başlanacaq.

1news.az