Karapetyan Respublika partiyasındakı postundan istefa verib

Ermənistanın sabiq baş naziri Karen Karapetyan Respublika partiyası sədrinin birinci müavini vəzifəsindən istefa verib.

1news.az xəbər verir ki, Ermənistan parlamentinin hakim partiyadan olan vitse-spikeri Eduard Şarmazanov onun istefasını şərh edib.

O, bu istefanı normal proses adlandırıb: “Karen Karapetyan yetkin siyasətçidir və qərar vermək də özünün səlahiyyətindədir. Onun yerinə kimin təyin ediləcəyinə gəlincə, partiya şurasının iclasında qərar veriləcək”.

Bu qərarın Respublika partiyasından qaçış olmasına dair suala gəlincə, Şarmazanov vurğulayıb ki, sabiq baş nazir siyasi proseslərə aktiv cəlb edilmədiyini hesab etdiyi üçün hazırkı vəziyyətdə bu vəzifəni tutması ədalətli olmazdı.

P.Sultanova