Sarkisyanın partiyası Paşinyanın namizədinin mer seçilməsinə mane ola bilər

Ermənistanın Respublika Partiyası İrəvan meri vəzifəsinə namizəd Hayk Marutyanın qələbə qaznmasına mane ola bilər.

1news.az  “Johovurd” nəşrinə istinadla xəbər verir ki, mer vəzifəsinə öz namizədi olmayan sabiq hakim partiya ədliyyə naziri Artak Zeynalyanı dəstəkləyə bilər. Onun namizədliyi "Yelk"(Çıxış) bloku, "Çiçəklənən Ermənistan" tərəfindən irəli sürülüb.

Qeyd edək ki, Ermənistanın baş naziri Nikol Paşinyanın “Vətəndaş razılaşması” partiyasının İdarə Heyətinin iclasında aktyor Hayk Marutyanın İrəvan meri vəzifəsinə namizədliyi irəli sürülüb.

Xatırladaq ki, Paşinyan və Marutyan arasında dostluq münasibətləri var. Paşinyan baş nazir seçildikdən sonra Dağlıq Qarabağa səfər edərkən Marutyan helikopterdə onu müşayət edib.

İyulun 9-da İrəvan meri Taron Marqaryan istefa verib. İrəvan meri seçkiləri sentyabr ayında keçiriləcək.

P.Sultanova