Apellyasiya məhkəməsi Koçaryanın şikayətinə avqustun 9-da baxacaq
Ermənistanın apellyasiya məhkəməsi eks-prezident Robert Koçaryanın şikayətinə avqustun 9-da baxacaq.
1news.az erməni mətbuatına istinadla xəbər verir ki, bu barədə Koçaryanın vəkili Aram Orbelyan bildirib.
Daha əvvəl Koçaryanın digər vəkili Ayk Alumyan eks-prezidentin həbsinin hüquqi məntiqə zidd olduğunu deyib. Onun sözlərinə görə, əgər Koçaryan istintaqdan yayınmaq istəsəydi, Ermənistana qayıtmazdı.
Xatırladaq ki, Koçaryan iyulun 28-də məhkəmənin qərarı ilə həbs edilib. O, 2008-ci ildə konstitusiya qurluşunu ı devirməkdə ittiham olunur. Martın 1-də 2008-ci ildə prezident seçkisindən sonra Ermənistanın ilk prezidenti Levon Ter-Petrosyanın tərəfdarları Mərkəzi Seçki Komissiyasının məlumatlarını tanımaqdan imtina edərək İrəvan küçələrinə çıxıb. Paytaxtda nümayişçilərə qarşı hərbi güc istifadə edilib və 10 adam ölüb.
P.Sultanova
