Sarkisyanın partiyasından kütləvi istefalar

Vaxtilə Ermənistanın ən böyük partiyası olan Respublika Partiyasını kütləvi tərk edənlərin sayı artır.

1news.az  “Joxovurd” nəşrinə istinadla xəbər verir ki, aprelin 23-dən, Serj Sarkisyan baş nazir postundan istefa verməsindən 1 avqust tarixinə qədər partiyanı 4 min 500 üzv tərk edib.

Respublika Partiyasının təşkilat komissiyasının nümayəndəsi Ruben Torosyan bunu adi məsələ adlandırıb və deyib ki, ötən il üzvlükdən çıxanların sayı 15 min olub. Bununla belə o bildirib ki, baş verənlər seçkilərdə çətinliklər yaratmayacaq.

Ruben Torosyanın dediklərinən fərqli olaraq, qəzet partiyanı on minlərlə insanın tərk etdiyini yazıb, onların çoxu isə açıqlanmır:

"Hər kəs bununla bağlı bəyanat verməyi zəruri hesab etmir. Respublika Partiyasını tərk edənlərin baş nazir Nikol Paşinyanın "Vətəndaş razılaşması” partiyasına daxil olmağa çalışmaları kimi böyük bir təhlükə var. Buna görə də, "Vətəndaş razılaşması" sayıqlıq göstərməli, 90-cı illərdə öz qapılarını keçmiş komsomolçulara açdığı kimi, səhvə yol verməməlidir".

P.Sultanova