Rusiya Ermənistanın sabiq müdafiə naziri barədə axtarışları ləğv edib

Rusiya Ermənistanın sabiq müdafiə naziri Mikael Harutyunyan barədə axtarışları ləğv edib.

1news.az xəbər verir ki, bu barədə “İnterfax” məlumat yayıb.

Məlumata görə, 2008-ci il martın 1-də İrəvanda baş verən hadisələrlə əlaqədar olaraq Harutyunyanla bağlı materiallar öyrənilib və onun Rusiya ərazisində axtarışını ləğv etmək barədə qərar verilib.

"Beləliklə, Rusiyada "rüsvayedici general təhlükədə deyil".  Lakin Harutyunyan digər MDB ölkələrinə getsə, o, həbs olunaraq Ermənistana təhvil verilə bilər", agentlik yazıb.

Qeyd edək ki, sabiq müdafiə naziri barədə MDB dövlətlərarası axtarış elan edilib.

P.Sultanova