Paşinyan: Erkən seçkilərin keçirilməsi xalqın tələbidir
Ermənistanda erkən seçkilər ən qısa müddətdə keçirilməlidir.
1news.az erməni mətbuatına istinadla xəbər verir ki, bu barədə baş nazir Nikol Paşinyan deyib. Onun sözlərinə görə, seçkilər ilin sonuna kimi baş tuta bilər:
"İndi biz erkən parlament seçkilərinin vaxtını müzakirə edib və prosesi sürətləndirməliyik. Biznes dairələrinin nümayəndələrlə ilə söhbət zamanı bəlli olur ki, investorlar gözləmə mövqeyindədirlər və onlara uzun müddətli siyasi sabitliyin təminatı lazımdır. Bu, qısa müddətdə investisiya proqramlarını həyata keçirə bilmək üçün bizim üçün də vacibdir”.
Paşinyan ümid edir ki, Ermənistanın siyasi qüvvələri ilə müzakirələr nəticəsində konsensusa gəlmək mümkün olacaq: “Ümid edirəm ki, Yerevan meriyasına seçkilər Ermənistanın siyasi vəziyyətini aydınlaşdırdı".
Onun fikrincə, mer seçkilərində "Mənim adımım" blokuna 81 faiz səs verən xalq faktiki olaraq erkən parlament seçkilərinin keçirilməsinə səs verib.
P.Sultanova
