Paşinyan yenidən vətəndaşları meydana çağırdı
Ermənistanın baş naziri Nikol Paşinyan martın 1-də Yerevanda yürüşün keçiriləcəyini elan edib.
1news.az erməni mətbuatına istinadla xəbər verir ki, yürüş 1-2 mart 2008-ci il tarixdə baş vermiş və 10 nəfərin ölümünə səbəb olan hadisələrin ildönümünə həsr edilir.
Paşinyan qeyd edib ki, Azadlıq meydanında genişmiqyaslı vətəndaş yürüşünün keçirilməsi qərara alınıb.
"Yürüş Ermənistan vətəndaşlarının qələbəsinə həsr olunacaq, həmçinin şiddətə, seçki saxtakarlığına, korrupsiyaya və qanunsuzluğa qarşı yönəldiləcək”, Paşinyan deyib.
Baş nazir hamını martın 1-də saat 18:30-da Azadlıq meydanına dəvət edib.
Xatırladaq ki, ilk prezident Levon Ter-Petrosyanın rəhbərlik etdiyi müxalifət 2008-ci ildə prezident seçkilərinin nəticələrinə etiraz olaraq mitinqlərə başlayıb. 1-2 martda isə etiraz aksiyaları nümayişçilərlə hüquq-mühafizə orqanları arasında qarşıdurmaya çevrilib. Nəticədə 10 nəfər ölüb.
P.S.
