Yenilməzlər idman arenalarına qayıdır
05 sentyabr 2020-ci il tarixində Azərbaycan Milli Paralimpiya Komitəsinin təşkilatçılığı ilə Bakı Olimpiya İdman Kompleksində paralimpiya və olimpiyaçı idmançılarının iştirakı ilə kamandan oxatma idman növü üzrə Açıq "Birlik kuboku" keçiriləcək.
1news.az-ın verdiyi xəbərə görə, Azərbaycan Respublikası Gənclər və İdman Nazirliyinin tövsiyyəsi ilə yarış açıq hava şəraitində keçiriləcək. "Birlik kubokunda" 25 idmançının iştirakı gözlənilir.
Start: saat 10.00
Final: saat 15.00
Qeyd edək ki, “Birlik Kuboku” COVID-19 koronavirus pandemiyası ilə əlaqədar ölkədə tətbiq edilmiş sərt karantin rejimindən sonra paralimpiyaçıların iştirakı ilə keçirilən ilk yarış olacaq.
Yarış zamanı Azərbaycan Respublikası Nazirlər Kabinetinin yanında Operativ Qərərgahın qərarlarına riayət edilməsi üçün xüsusi İşçi Qrupu yaradılıb.
1news.az
