Ermənilər Mingəçevirə 4 ədəd “TOCHKA” ballistik raketi atıb – FOTO - YENİLƏNİB
Ermənistan tərəfindən Azərbaycanın sənaye şəhəri olan Mingəçevirə 4 ədəd qısa mənzilli “TOCHKA” ballistik raketi atılıb.
1news.az-ın verdiyi xəbərə görə, bu barədə Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Twitter hesabında yazıb.
“İnfrastruktura ciddi ziyan dəyməyib. Ancaq mülki şəxslər yaralanıb. Ermənistanın dövlət və ekoloji terroru davam edir” – yazan Hacıyev, ən böyük su anbarının da Mingəçevirdə olduğunu bildirib.
22.28
Ermənistanın azərbaycanlı mülki şəxslərə qarşı dövlət terroru davam edir.
1news.az-ın verdiyi xəbərə görə, bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün Twitter hesabındakı paylaşımında bildirib.
“Bir neçə dəqiqə əvvəl Ermənistan silahlı qüvvələri Azərbaycanın Mingəçevir sənaye şəhərinə qarşı raket hücumu təşkil etdi. Mingəçevirdə su anbarı və əsas elektrik stansiyası var. Çarəsizliyin barbar ifadəsi”.
S.Xankişiyeva
