Rəfael Ağayev Olimpiya Oyunlarında Azərbaycanın ilk gümüş medalını qazandı – YENİLƏNİB
Tokio-2020 Yay Olimpiya Oyunlarında 75 kiloqramadək çəki dərəcəsində finala yüksəlmiş azərbaycanlı karateçi Rəfael Ağayev italiyalı Luici Buza qarşılaşıb.
1news.az-ın Trend-ə istinadla verdiyi xəbərə görə, R.Ağayev rəqibinə məğlub olub. Bununla da o, Azərbaycan adına Olimpiya Oyunlarının ilk gümüş medalını qazanıb.
Xatırladaq ki, karateçi qrup mərhələsində 3 qələbə, 1 məğlubiyyətlə 6 xal qazanaraq yarımfinala mərhələsinə yüksəlmişdi, yarımfinalda isə macarıstanlı rəqibini üstələmişdi.
12:56
Tokio-2020 Yay Olimpiya Oyunlarında karate üzrə yarışlar start götürüb.
1news.az-ın Trend-ə istinadla verdiyi xəbərə görə, 75 kiloqramadək çəki dərəcəsində azərbaycanlı karateçi Rəfael Ağayev ilk görüşdə almaniyalı rəqibi Nikolas Bitçlə qarşılaşıb.
O, rəqibini 2-1 hesabı ilə üstələyib.
Növbəti görüşlərdə karateçimiz Avstraliya idmançısı Tsuneari Yahiro, Qazaxıstan karateçisi Nurkanat Ajikanov və italiyalı Luici Buza ilə qarşılaşacaq.
