Lionel Messinin PSJ-yə keçidi rəsmiləşib
“Barselona”dan yenicə ayrılan arentinalı futbol ulduzu Lionel Messinin PSJ-yə transferi rəsmiləşib.
1news.az xəbər verir ki, Fransa təmsilçisi bunu rəsmi saytı vasitəsilə bəyan edib.
Argentina millisinin kapitanı bu gün Parisə yollanıb və yeni komandası ilə 2+1 illik sazişə qol çəkib. 34 yaşlı oyunçunun Paris klubunda illik məvacibinin 35 milyon avro olacağı vurğulanıb. Leo PSJ-də 30 nömrəli formanı geyinəcək.
Qeyd edək ki, Messi “Barselona” ilə müqavilə müddəti başa çatdığı üçün PSJ-yə azad agent kimi keçib.
1news.az
869
