“VIII Qlobal Bakı Forumu siyasi reallıqların dünyaya çatdırılmasında böyük əhəmiyyət kəsb edir” - Politoloq
“VIII Qlobal Bakı Forumunda ölkəmizdə, regionda və dünyada baş verən önəmli hadisələrlə bağlı müzakirələrin həyata keçirilməsi mühüm əhəmiyyətə malikdir”.
Bunu 1news.az-a açıqlamasında siyasi şərhçi Xəyal Bəşirov bildirdi.
“Bu Forum Azərbaycan üçün mötəbər tribuna rolunu oynayır. Forumda ölkə başçısı İlham Əliyevin və digər ölkələrin sabiq prezidentlərinin, o cümlədən önəmli vəzifə sahiblərinin iştirakı deməyə əsas verir ki, Azərbaycan regionda və dünyada mühüm söz sahibidir. Cənab Prezidentin Forumun açılış mərasimindəki nitqi, siyasi reallıqları ictimailəşdirərək beynəlxalq aləmə çatdırması Azərbaycan xalqı üçün böyük əhəmiyyət kəsb edir”
Xəyal Bəşirov əlavə etdi ki, hazırda bütün mövcud reallıqların dünya ictimaiyyətinin diqqətinə çatdırılmasında bu kimi Forumlar böyük əhəmiyyətə malikdir:
“Məhz bu beynəlxaq uğurlu siyasət və beynəlxalq diplomatiya nəticəsində, biz 44 günlük II Qarabağ müharibəsində siyasi, diplomatik hərbi dəstəyi olan mənfur düşməni döyüş meydanında darmadağın etdik .Bizim qələbə qazanan ölkə olaraq, regionda formalaşdırdığımız bütün geosiyasi reallığın şərtlərini dünyaya çatdırmaq öhdəliyimiz var. Bu bizim dövlətimizə, xalqımıza çox vacibir. Məhz bu kimi Forumlar bizim üçün böyük əhəmiyyət kəsb edir. Bu tədbirin 2 gün davam etməsi və oradakı mühüm əhəmiyyətli müzakirələrin aparılması gələcədə xarici siyasətimizdə və diplomatiyamızda müsbət izlər buraxacaq”.
Aytən Sakitqızı
