Nazir: Son 4 ildə minimum əməkhaqqı 2,3 dəfə artırılıb
"Bu sərəncamlar sosial islahatlar planının davamıdır" .
1news.az xəbər verir ki, bu barədə əmək və əhalinin sosial müdafiəsi naziri Sahil Babayev media qurumlarının rəhbərləri ilə görüş zamanı deyib. 4 saylı DOST mərkəzində keçirilən görüşdə 50-dək media təşkilatı və KİV rəhbəri iştirak edib.
Nazir bildirib ki, ölkə başçısı 2018-ci ildə ilk fərmanını imzaladı.
"Ardınca 2019-cu ildə Azərbaycanın müstəqillik tarixində ən böyük sosial islahatlar həyata keçirildi. 2020-ci ildə post-pandemiya paketləri təqdim olundu" .
"Ötən gün Cənab Prezident tərəfindən imzalanan 4 sərəncam 1 milyonadək işləyən vətəndaşlarımızı əhatə edir" - nazir deyib:
"Minimum əməkhaqqı 20 faiz artırıldı. Minimum əməkhaqqı son 4 ildə 2,3 dəfə artırılıb. Eyni zamanda dövlət sektorunda çalışan 400 minə yaxın insanın əməkhaqqısı vahid tarif cədvəli ilə ödənilir. O cədvəl də minumum əməkhaqqı əsasındadır. Minimum əməkhaqqı artan kimi bu cədvəl üzrə əməkhaqqı alan hərkəsin əməkhaqları artırılır".
Digər tərəfdən bu sərəncamlar həm də özəl sektorda çalışanların da əməkhaqlarında da artım deməkdir. Çünki minimum əməkhaqqı əmək məcəlləsi tərəfindən icbari qaydada ödənişdir. Əmək müqaviləsi işləyən şəxsə minimum əməkhaqqı verilməlidir. Bizim hesablamalarımıza görə 300 manatdan aşağı maaş alan insanlar və 300 manatdan 400 manata qədər əməkhaqqı alanların maaşlarında artım olacaq. Çünki ixtisassız şəxsə 300 manat verən özəl müəssisə yenə də ondan bir pillə olan şəxsin də əməkhaqqını artırılmalıdır. Düşünürük ki, bu 300 minlə 400 min arası insanı əhatə edəcək”.
