Küçədə uşaqların satdığı salfetlərdə narkotik olması ilə bağlı yalan məlumatlar yayan şəxs saxlanıldı - VİDEO

Xəbər verildiyi kimi sosial şəbəkə seqmentlərində yol kənarında uşaqların satdığı salfetlərin arasında narkotik olması ilə bağlı yalan məlumatlar yayan şəxs – Bakı şəhər sakini, 1991-ci il təvəllüdlü Kamran Abumislimov polis tərəfindən saxlanılıb.

1news.az xəbər verir ki, bu barədə DİN mətbuat xidmətinin yaydığı məlumatda deyilir.

"Əməldə hüquq pozuntusunun tərkib əlamətləri olduğuna görə, habelə insanlar arasında çaşqınlıq yaradan yalan məlumatlar yayan K.Abumislimov barəsində toplanmış materiallar baxılması üçün Qaradağ Rayon Məhkəməsinə göndərilib" - məlumatda qeyd olunub.