Rusiya Avropa Şurasının üzvlüyündən çıxarılır - Prosedur başlanılıb
Avropa Şurasının Nazirlər Komitəsi Rusiyanı Nazirlər Komitəsində və Parlament Assambleyasında təmsilçilik hüququndan çıxarmaqla bağlı qərar qəbul edib.
1news.az xarici KİV-lərə istinadən xəbər verir ki, Avropa Şurasının Nizamnaməsinə uyğun olaraq, Nazirlər Komitəsi Rusiya Federasiyasının Ukraynaya silahlı hücum etməsi səbəbilə Rusiya Federasiyasının Nazirlər Komitəsində və Parlament Assambleyasında təmsilçilik hüququndan dərhal məhrum edilməsi barədə qərar qəbul edib.
"Bu gün qəbul edilən qərar o deməkdir ki, Rusiya Federasiyası Avropa Şurasının üzvü və Avropa Şurasının müvafiq konvensiyalarının, o cümlədən Avropa İnsan Hüquqları Konvensiyasının tərəfi olaraq qalır”, - bəyanatda deyilir.
Bildilirib ki, Avropa Şurasının Nazirlər Komitəsi Ukrayna və Polşanın təşəbbüsü ilə Rusiyanın Avropa Şurasına üzvlüyünün dayandırılması prosedurunu başladıb, tezliklə yekun qərar veriləcək.
